القديم والجديد

(يالقديم غلاك ايخيب لا ينطال ولا يسيب)
( يالقديم انموت ادفني كان اتريد اسموحك مني)
(اخطاني يالقديم وفز جديد امعيشني في عز)
(جد جديد فرض شخصيته نساني الاول ونسيته)
(جديد هو دلال العين والماضي وخيده تأخده)
(صوب جيد كبر في عيني ماعاد قديم ايبكيني)
(يا القديم عليش اتعارك درت جديد تعال وبارك)
(انسي يا قلبي مدعاهم دير جديد يحيد شقاهم)
(غلا لافي للعين جديد غلا يردع الاول ويزيد)
(انموت من جروح قديم لو ما تلافوني جدد)
(ملذوع من قديم انخاف اندير جديد ننلذع)
(وين ما نقول جديد انجرب تخطر يا القديم اتخرب)
(لو مليون جديد ايجوني ما صوب قديم اينسوني)
(بشويش ما ادير جديد بالك توا القديمين يقسموا)
(قديم ما عليه ملام يبكي علي في يوم فرحتي)
(سمعنا يالقديم خدوك خبر يفجع لكن مبروك)
(يالقديم خدوني منك ساكت ما اتكلم كنك)
يا جديد قريب جيتك لكن هف قديم خطيتك)
(خلاص انسيتك يالبعيد انظاري دارن صوب جديد)
(حملنا يالقديم بلاك القينا غيرك وانسيناك)
(خايف اندير جديد نسمع القديم فاضي ننقهر)
(كان لقي غيري مربوحه ما ضر قديم الا روحه)
(كبيره يالقديم علي انبحت فيك ومانك لي)
(الانظار في جديد اعلقن وقديم ما خده غير سوهن)
(لو كان الغلا كيف بعض تدويرة جديد ياعين ساهله)
(جني يالقديم اعذارك تعزق فيهن شور اكبارك*)
(عندي عين بعد خطرها ماعاد قديم ايدردرها)
(قيسه قديم لاقي عزم الي ما نشد يوم عالغلا)
(يالقديم هربت علينا ما تحساب جديد ايجينا)
(يتيمه العين اقعدتت قديم كان بوها وامها)
(عندك يالقديم معزه حتي اندير جديد انلزه)
(بكايا عليكم يالقدم بكا عيل ما عنده ام)
(امقلل يالقديم هناي اتجيني وين انكر اغطاي)
(مع عقلي ما جد جديد امغير غلا القدم ايزيد)
(نحلف يالقديم عليهن عقلي وعيوني عاميهن)
(تصدق لو ماداروا عيب قدم نرجاهم لين الشيب
(العيب الي داروه اقدم اتلم الشوك ومايلتم)
)يربح كان قديم انسيني في عرب واجد تبيني
)سيوره الجديد قديم بعد زمان هذا عيب الغلا

(عندي عين بعد خطرها ماعاد قديم ايدردرها)

(حملنا يالقديم بلاك القينا غيرك وانسيناك)


(غلا لافي للعين جديد غلا يردع الاول ويزيد)



منورة دلوعتنا علي موضوعك الحلوو

سلمتي اختي علي مرورك الروووعة

ارقي التحيااااااايا لكي