أنت من ؟..ماعاد نذّكّر أسنين مضَن

أنت من ؟..ماعاد نذّكّر أسنين مضَن

عرّف بنفسك قول أنت من ؟

أنت لَيش..تخلف الوعد أمعاي ماتوفيش؟

ونا قلت روحي فيك بيش أنعيش..فيّا قتلت أحساس ياخين
يوم ماشريتك مانشدتك بيش..وبعته غلاي وماقبضت ثمَنّ

والطّير مايطير أنكان ماله ريش..ولا قوت يلقى لاذرا مسكنّ

وجيت تعتذرلي قلت لحظة طيش..وأعيونك يفيضن بالدّموع بكَـنّ

أتريدني أنسامح,غير فيش؟وفيش؟..وأمنين ماتلمَس جضيض ونـنّ

وجهك تغيّر صارله تغبيش..عليه السنين الماضيات كلَنّ

أنسيت غلاك..وأنسيت كلّ موصاير زمان أمعاك

لاأنصالحك لاعَد أنريد غلاك..ولا بعاطفة شورَك القلب إيحنّ

ودّيتك بحبّي بعتني بخطاك..ومنك سوايا واجدات لفَـنّ

صحيح كنت مانقدر أنعيش بلاك..أن غبت الحوَاس الخمس يشتاقنّ

أنرايف ونا قاعد قريب أحذاك..تمّيت الرجاء وحُبّك الروح سكنّ

تزهَى الدنيا وين مانلقاك..وأبشوفتك الحال إيروق نطّامنّ

ولكن بعد قصرن عليّ أخطاك..وجالن مع غيري اليوم مشنّ

عنيت الخطاء ماعَد انجول وراك..وأدّاون أجروحي من غلاك برَن

أنت من ؟..ماعاد نذّكّر أسنين مضَن

عرّف بنفسك قول أنت من ؟
وااااااااااااااااااااااااااااااااااااو بجد قصيدة حلوا و كلمات تهبل
مشكور يا برنس العالم

شكرا

قصيده حلوه
شكرا

وااااااااااااااااااو منوين جايبها