شتاوى عالكبيده

مازالت كبدي مفروعة .... مابين اللومة واللوعة

من مدة كبدي منفرعة .... عدا كل عزيز بقرعة

الخاطر كرب بين أثنين .... إنظر كيف انديروا ياعين

كل عزيز خذا ماسدا .... من كبدي ياعين وعدا

كملتي يا كبدي تقسيم .... إمغير الحيل خذاه قديم

كبدي من مدة مقسومة .... لكن تمسك في اللومة

كبدي مرهون إمقسمها .... ولي بين أيديه ظلمها

يانا لي كبدي منفرعة .... راحت مني قرعة قرعة

كبدي ذابت يا غيابي .... ماعد جيتوا شور إحسابي

كملتي ياكبدي تنهيش .... لي مو واخذ قال إمنيش

كبدي ياالغوالي ذابت .... منكم والقسمية غابت

كملتي ياكبدي تشريك .... لي ماجاتك تو أتجيك

كملتي ياكبدي تشريح .... علي كانون إمقابل ريح

كبدي مرهون أمقلويها .... كل نهار أيلذع فيها

قاسي يا مرهون عليها .... بين إيديك تقلب فيها

أيقلب في كبدي تقليب .... قديم وحظي فيه عطيب

كانون المرهون تقاوة .... والكبد تقول علي طاوة

قولو عالكبد الله دايم .... راحت بين ايدين قسايم

هك وهك قديم قلبها .... كبدي عالنار وسيبها

كبدي ماطيبها والي .... قسمت بين أيدين غوالي

إرطبهن يامرهون أيديك .... كمل جوفي منك تشريك

أتشرك ياغالي وأتزيد .... بعد الكبيدة ويش أتريد

علي كبدي من غير خصيم .... خذيت الغاية يالقديم

لي هاذا ينتش بيديه .... الكبد إتقول إتعز عليه

عليها داشع يالقديم .... الكبد ومسع جاك خصيم

الكبد أنقسمت بين ثلاث .... أتقول إلا قسمة وراث

ياناتش كبدي خليها .... فيه عرب قرعتهم فيها

كملتي ياكبدي تشريك .... لي له قرعة تو أيجيك

ثلاث قسمنا يامرهون .... أمعاك ولي وللواشون

يا كبدي ذبتي بليلك .... ماعد عندي وين أنشيلك

أخذوها مانبي لاشي .... لي ماوخذت تو إتجي

كبدي يالولاف أخذوها .... وين أتحطوها حطوها

حزت يا عين السهرايا .... كبد وشالوها الغنايا

لي ماعندا شي واشون .... أيزكي كبدة عالمرهون)

عليكم يالولاف أشوي .... خذيتوا كبدي ولي لي
)

قسمتوها قسمة وراث .... أتقول إلا جرة محراث

أمغير تعالو يالقدم .... جميع الي في الجوف ألكم

خذيت ياعزيز الكبد ... خليلى اشوى قيس عيشتى

حقي يامرهون أنريدة***كبد وقلب وعين جديدة**
شكرررررررررررررا طالعة من وسط قلبي ياأستاذي برنس
**********ملكة ليبيا********

شكراااااااااااا ليك

كبدي يالولاف أخذوها .... وين أتحطوها حطوها

منور برنس

» شتاوى و غناوى صح
» شتاوى على الهواي
» شتاوى وغناوى على لولاف