يا غزال لا تجارا

يا غزال لا تجارا
با نن عليك أوصاف سود أنظارا
تعال ننشدك

يا غزال كيفك كيفا
رقيق البشر مول الشفاه رهيفه
امغير أنت ما تعرف أولا تخريفا
أوهى زوق والجا يل أتحيد جضارا

أو مشيا إليها فوق الو طاه ظريفا
دوبينها توطا آلها نجرارا
يا غزال لا تجارا....

يا غزال حطايا
وين نلحظك يخطر سيريب أمنا يا
امغير أنت ما ترجا خفيف روايا
أوهي عقلها وازن بعيد إبحار

ألها خد لا قابل ابشوط وقايا
ابروق ليل في مأزق قوي تيارا
يا غزال لا تجارا...

يا غزال أشرف
أن كان ريتا بالك أبها أتعرف
رآه بالسهارى عقلها يظرف
أدور على مدعا خليل أدوارا

أتجلى جظارك وين ما أتخرف
اعيون من خرم وقتا اسهي بزارا
يا غزال لا تجارا....

قال الغزال:
والله ما نظرنا غالى
ولا ريت حاجا شابهت لمثالي

نا امعيشتي واخد افجوج خوالي
سلوك بر ما فيهن ولا غثارا

احدود النظر ما ريت فيهن والي
امفيت القطا وألا افراق أحبارا
يا غزال لا تجارا...

قال الشاعر:
يا غزال ما تعرفا
اللي وصفها كيفك بعد نوصفا
امغير أنت عايش في ابساط أو دفا
وهي وطنها لوطا عرب وكارا

برمت اللي وقتا الفارس هفا
قند أطر وف الدير في مشوار
يا غزال.....

قال الغزال:
نلقاني نعرفا
دار بو حد أجا لا ورار تسفا
امغير أنت ما تقدر اتخش الدفا
مشيك عطيب وقربتك ما طارا

وهي حازها رقراق داير ضفا
أكيد بو جناوح بيض بوفرارا
يا غزال...

قال الشاعر:
يا غزال ناسل عنا
مول الحداجا لا ورا تثنا
هو اللي رزا لنظار داهن منا
ولطن قساميا وحيزت دارا

دارن غلا واجد أما لحقنا
إذ بلن نين ما يسون عقاب اجفارا
يا غزال..

قال الشاعر:
نلقاني صاحيلا
آمنين نجعها قشع واساق رحيلا
أخش الخلا نأوي طريق طويلا
وهي راكبة في اللي جديد أوصارا

للشاعر : عبدالسلام الحر . .

رووووووووعه

احسنت اخى بوضع من قصائد شعراء بلادنا المميزين
تقبل مرورى بكل ود

شكرا على مروركم

» ياغزال لا تجارا