روائع الشعر الشعبىمجموعة قصائد

مليـت صوبـك مانريـد اقروبـك....لانريـد حبـك لانـريـد غــلاك

لانريد جرحك لا زهـاك وفرحـك.......لانريـد حزنـك لايـقـل هـنـاك

انتى الريد كنتـى قبـل يـا فاتنتـى.......الا اليوم خنتى وبان عيـب خطـاك

درتـى الخونـه ياكحيـل اعيونـه......وكنتـى حنونـه وغاليـه مابهـاك

كرهتك جفيتـك بعـد مـا حبيتـك.......والله نسيـتـك والكنـيـن نـسـاك

اجعنك مريضة فى الامعاء الغليضة....وموتك فريضه ومستحيـل اشفـاك

يطيح شعر راسك وتتباطـا انفاسـك....ويبكـوا ناسـك جاهليـن لــداك

ينعمن اعيونـك وينحـرق مكنونـك....يطيحن اسنونـك يسقطـن بحـداك

والسرطان فى دمك فى جدار وريدك...والدواء ما يفيدك والمـرض فتـاك

يصيبـك النمنـم والامعـاء تسمـم.......ونـورك ايظلـم ويبكـوا لافـنـاك

يصيبك الجدرى والالتهاب الصدرى....مع كل عدرى فى كل ماهـو جـاك

وحـتـى المفـاصـل بالـمـرض.........تستاصـل ليـن تنسـى اسـمـاك

تزيـد الحـرارة وتمتلـى المـرارة.....وتبقى اتوارى من القلـب دكـراك

شيوخ العلم ملوا من الكتيبـة كلوا.....ما شـى خلـو ومـا نفـع معـاك

هـدا مصيـرك ياقليلـة خـيـرك.......الله لايجـيـرك لا يـتـم اشـفـاك

خنتى وعـودك والكـدب مـردودك.....فتـى احـدودك بعـد سايـرنـاك

هـدى امنيتـى اليـوم ياغاليـتـى......بعـد مـا انسيتـى غيتـى وغـلاك

تبقى وحيـدة مافـى يـوم سعيـدة........الدنيـا شديـدة وقاسـيـة يــالاك

=======================================
يقول الشاعر

كثر خيرك نحساب الحنانه فيك جت من غيرك

مكتوب راضى بيه

هذا قدري وهذا اللي مكتوب بدري بدري

نحسابك تضمني ادفي صدرك وترضى بمصيري وانا نكون مصيرك

ونحساب نعدرك وانتي تكوني عذري لقيته حصيري مش كيف حصيرك

تعلمت منك كيف ناخد حذري ومعاد نشرب من مية بيرك

وانا عبوده ان كانك ماتدري بندكرك با العهد موش تحديرك

وهيا بالسلامة ما تخافي غدري بيضه طريقك مانديره ديرك

وكثر خيرك نحساب الحنانة فيك جت من غيرك

المكتوب راضي بيه

===========================
الايــام يـاخـدن الاخ مـــن خـــوه
وفــــوق الـنـعــش يصـلـبـنـة
الايـام يـاخـدن الطـفـل مــن بــوه
الايـــام يـقـطـعـن ف الـمـحـنـة
الايـــام يــاخــدن الاب يـنـســوه
وتـعـيــش اســرتــه بـالـمـنــة
الايــام شييـنـن مــا مــن وجــوه
ومـــا مـــن زعـيــم أعـدمـنـة
الايــام كـيـدهـن كـــى نـعـانـوه
الايــــام خــاطــرى حـوسـنــة
الايـــام كـتـفـن هـــا الـمـنـدوه
الايــــام صـاحـبــى حـطـمـنـة
الايــــام حـبـلـهـن لاتـحـلــوه
مـربـوط بـيــن شـيـعـة وسـنــة
الايــام جـريـهـن مـــا طـولــوه
والـلــى مـــا دفـــن يـدفـنـنـة
الايـــام مـوجـهــن لاتـعـومــوه
مــــا مــــن زرط عـرقــنــة
الايــام جــن اوقــات مــا نـجـوه
واجـــــد الــلـــى (قـزنــنــة ) ( يتّموه)
الايـــام عيـبـهـن مـــا نـعــدوه
الايــام شـوخــن عـيــت حـنــة
واجــــد الــلـــى نـعــرفــوه
عــلــى جـيــنــة قـصــرنــة
هــضــا وقــــت بالله اتــقــوه
خـــد الـــراس سـيــب (الـشـنـة) (غطاء الرأس )
واللـى صــار مــا صــار عــدوه
يــواجــه مـصـيــرا الـجــنــة
والـلــى بـــوش وبـلـيــر داروه
اســلــوب وطــنــا يـرفـضـنـة
حـتــى ديـنــا مـــا احـتـرمـوه
اقـلـبـو عـيـدنـا حـــزن كـنــة
والـمـهـم هـضــا مـــا نـنـسـوه

خيانة النسا
الشاعر: نصيب السكوري

خيانة النسا موش من اليوم.. قديمه بثبت الدلايل
الي قلوبهن كيف الحموم.. اقدم في الخدع والرزايل
راه البحر هو الديموم.. وراها تهدر الحايل
مطرا يرق العزوم.. ويفور وسيع البلايل
ياريت خاطري بات محكوم.. في حبس ما يجيه جايل
ياريت خاطري بات مردوم.. في قبر وتراب هايل
ولا في الغلا بات مهزوم.. ولا( حاس) بين العدايل (.ضاع)
ولا نريد نندار سلوم.. ولله كل الكمايل
ومازلت ما جاني النوم.. ومازال ها الدمع سايل
ويجن اوقات يبكي المفطوم.. يبقى ع القمر صوت شايل
يسهى يبدله بطرف حلقوم.. عليه كيف حنه تحايل
وناب الجمل راه مسوم.. (زمعيت) الجمل فيه خايل .(يظن)
الي كي فدر بات مهضوم.. حقه اقصر ع الشوايل
ولو كان يا النيل امخروم.. راك مصر م السيل شايل
لو كان كل من شال( قادوم).. حيد به جبل راه زايل
لو كان كل من بات مظلوم.. (يصبن) معاه القبايل
ما راه بات شي حق مكتوم.. ولا بات (زامط) العلايل
لو كان ها الدنيا تدوم.. ما راه وقت الاجواد مايل
فيهم اطمع كل فقوم.. ان سهراك جنك روايل
يحساب البصل خير م الثوم.. الي الكحل دق النفايل
ولا تنحجز قوم عن قوم.. الا بدم ع الارض سايل=================================
لو متت ما ناكل اللي موطيّب............الخالق غني واللي خلق ما يسيّب

ولاناكل المسروقة.......................ولا نطارد اللي ف السبب ملحوقة
غني بصبر واللي صابرة مرزوقة....حتى لو بطا خير الكريم اقريب
طعام الجفا نقذاه قبل انذوقه............مفطوم ع العصر عايش معاش يخيّب
لاني دنوعي خطوتي مطلوقة.........ولاني عقور الغافلين انّـيـب
رحمة الخالق ما اتجي من فوقه...... على زرعه اللي زارع الشر تغيّب

لا نوارد غابي...........................ولا نشرب الداله اللي ماي قابي
حتى ان كان في البيّن رقيق ترابي... سراب قايله ديما البعيد اقريب
وروس العرب هم قرعتي واصحابي...نشكرهم صحيح وما علي اتعيّب
وذيل العرب ما يعرفوا باطلابي........ حتى وهم خواجه هل شوي واركيب

لو متت ما نرضى اوصاف زهيدة..... لجواد خيّبولي كل نوع نريده
بحساب يوم رفقتهم سنين عديدة.......ورفقة الذيليّة نهار اتشيّب
بينهم مسافة واسعة وبعيدة ............الزينين للعفنين وايش ايجيّب
لجواد لا رقيق الدق نق غريده........سباع الخلا منهم الناس اتريّب
لا يبخلوا لا يركبوا القعيدة ........... يغير بك اللي منهم اتقول اعطيّب
لا عاد سوط ولا ركاب يصيده ...... غلي جار جارهم هل هناه تهيّـب

قصيدة من اجمل ما قيل فى العصر
==============================
روائع الشعر الشعبى**مجموعة قصائد** Y$

كمل صبرها اشتاقت العـين اشتاقت .. لعـــزاز ودوها غــــلاهم ذاقت

اشتاقت العــين وحــنت .. لعزاز غــابوا ما نهــار تهــنت
واللى شافها تذرف يقــول نجنت .. ويجبد مداعيهم ان كـان هــى راقت
ويبقى حذاها فى العـــلل يصنت .. سوى لاقيه حجه ســوى مـا لاقت
الملقى معاهم فى الطــريق تمنت .. عـليها الوسيعة م الحــواسد ضاقت
اشتاقت العـين وحـــاست .. لعــزاز غــابوا ما نهـار تناست
بود ومحبة فى بحـرهم غــاصت .. وين القســامى الصــادقات تلاقت
غابوا عليها والوجيعــة قـاست .. وجيعــة اللى رغـــا بلاه نساقت
سحبها سريب الشوق نين نهـاست .. لا تاقــوا عليهــا لا عليهم تاقـت
اشتاقت العين وهـــامت .. لعـــزاز غـــابوا ما بلاهم نامت
ان كان هى دقيقة عن عللهم صامت .. تفطر تجيبه مـــوحهم ما طــاقت
لا رضيت الغيبة الا القعــدة رامت .. صبـــر تا زادت عـــلى نـداقت
نهايتها حكاية فى سريب الشامت .. كـــان هــى بلانيه الخاطر ساقت

الله عليك ماشاء الله

شكرا

» رائعة من روائع الشعر العربي ":":":
» امراض الشعر وتساقط الشعر":":":
» من أجمل قصائد بو بكر بو حويه
» قصيدة رائعة من قصائد الشاعر الكبير ابوالقاسم الشابي
» روائع