احتار فيه طبيبه

السلام عليكم ورحمة الله وبركاته


اخوتى اعضاء منتدى الجبلين حبيت تكون مشاركتى الاولى معاكم

بشعر شعبى من كلماتى اهديها للجميع


احتار فيه طبيبــــــــــــــــــــــــه
لقى علته وبلاه بيد حبيبــــــــــه
هى الدوا والدا


ما لقالـــــــــــــــــــــــــــه دواه
جرحة كبير من سمح يوم هواه
دار الغلا لقاها اوهام معــــــاه
ينزف قهاير من جروح عطيبة
ميت موت غير ناقص عــزاه
بطعنة يد من قلبه قريبـــــــــة

يعانى ايام شقـــــــــــــــــــــــــاه
حسبه عزيز تبرى جروحه معاه
وان كان غاب غاب الدليل معاه
ولا يوم منه جت شك وريبـــــة
ايام الزها كيف العسل معـــــاه
وكان القضا تريته اوهام غريبه

اوجاع جرح كيف الســـــــــــم
بعد المحبة شرب المرار قســم
ذرفت لحاله العين دمـــــع ودم
لقاها بحور الياس حسرة وخيبـة
وصارت احواله صايفة من الهم
ما كان فى الخاطر الوقت يجيبه

الجرح صار جـــــــــــــــــــروح
وبعد الزها والود صار المــــوح
والعين شاقية شقيت معاها الروح
والقلب فى صوبه ما دارش عيبة
والخاطر على الانظار باكى ينوح
وكل يوم والثانى يجيب سريــــــبه



احتار فيه طبيبه
ومحال ما يداويه غير حبيبه