عزيز غيبتة موش برضاى":":":

عزيز غيبته موش برضاى

عزيز غيبته موش برضاى ولا قعدتـه فـى اقصـادى

عزيز غيبتـه قلـة هنـاى بـلا حيـل منهـا انـدادى

عزيز غيبته شلـت قـواى كميت مرهـا فـى افـادى

بـلاه ناخـد الليـل بكـاى من الدمع نين راوى اوسادى

ان كان ماجرا فيـه لامـاى يبقى أسباب طيحة اسعـادى

للدار دايـم جبـر مشـاى وهـو دوم واخـد البـادى

بهن ضرنى فـى أملاقـاي مهاليـع سـود وعــوادى

غزال بر فـى دوج هتـاى هميل فى نواجـع أبـوادى

على جـار مـادار لانـاى غـلاه شالنـى سيـل وادى

يا ضوايقـى هـى يـا داى إنموج كيف الطير الافرادى

إفطامـى بـلا نـزر وزاى نسفاه جاى وإيـرد غـادى

حتى انكـان مافـرع إرداى أوقات غر و الصيد عـادى

الياس ماحكم فيـه طـراى إنجاع يرتمـى عالسـدادى

لنا اسنين مـا عندنـا راى اتقول نقلعوا فـى مسـادى

الخاطر بلا عـون ضـراى على شـان ريـم الجـلادى

بلا امعافـره جـن حوايـى لو كان غير حاشـن اذوادى

ايـام قبـل كـان حمـاى الا اليـوم ضالـع جـوادى

كبير عرف ما ايعوز وصاى الى عليـه ديمـا اعـدادى

هو ملـودى هـو امشكـاى انجيه ويـن جـور نكـادى

ومازال وطننا خير عطـاى ايجيب فى اصحاب المبادى

ونا عزيز مـزال مسعـاى من الكبر لين نبقا انحـاذى

للشاعر / محمد بوسته

» عزيز ظلمنى":":
» من لا شي يا بال غايب من عزيز عليّ
» عزيز اقسامه ريح خريف** **ايطلن ماتعرفهن كيف