أمثال من بلادي

بسم الله الرحمن الرحيم

أمثال من بلادي


# أرحم من زار وخفف
# اللي ما يعرف الصقر .. يشويه ، ويشفشفه من جناحه
# اللي ما يبكي .. خانقاته العبره
# اللي ما ياكل بايده .. ما يشبع
# انشد ع الام .. قبل تاخد بنتها !
# الثور النطاح .. يموت منطوح !!
# سراق وفي ايده شمعه ..
# السارق يغلب العساس ..
# ضحك الجمل في عمره مرة .. انشق شاربه
# الشيطان ما ماتش
# رزقا سايب .. راح نهايب !
# الرزق السايب يعلم النهبة !
#تجي تصيده يصيدك
#كول مع الكافر و لا تأكل مع طويل الاظافر
#غاب القط ألعب يا فار
#الجنازة كبيرة و الميت فار و بنفس المعنى عيطة و شهود و الميت قنفوذ
#يا داير يا لاقي

* اللي يحب روحه ، يقعد بروحه .
* شرْقه بريقك ، توّريك عدوّك من صديقك
قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل
ياماشي من غير عزومة .. يا مقعمز من غير فراش

تحياتي

دلوعة ليبيا

منوووووورة دلوعة عالموضوع الحلووو والأمثال الرائعة

لكي اجمل التحايا

الشكر لكي انتي اختي الغالية علي مرورك الذي عطر الصفحة


تحياااتي

اشكرك اخي المحترم علي مرورك الطيب

لك ارقي تحياتي