جمال ورشاقة وزيدها العيون

جمال ورشاقة وزيدها العيون ... بنحكي كلام في صدري مدفون
شفت بنية وفي الأصل راهي بنتا الليبيه ... والله مانحسابها عربية
ولا أحسبت فيه الشكل في هالكون ... ولاحسبت فيه جمال في البشرية
لا في جيلنا لا اللي سبق مدفون ... منين ريتها ضنيتها حورية
والا وحده من حور العيون ... وراهي حقيقة شفتها بعينية
كلامي أكيد وراهو موش بصارة ولا جنون ... بكل اللغات أوصافها سمحية
والانسوها من زمن وقرون ... كان قلت لون عيونها عسليه
تعبير ناقص ماعطي مضمون ... ولاهي بشرتك بيضة ولا قمحية
ولا لونها عرفوه رسامون ... وخدود عندك لونها وردية
من يوم شفتك والقلب مطعون ... وشفه رقيقة وبسمتك سحرية
وصوتك رقيق تقول عزف حنون ... وهذوب سود مالهم عدية ..رقيت الفوق مغطية الجفون
وياريتني نحكيلها مابية ... وقديش بيها خاطري مفتون
متمني نشوف عيونها البازية ... ونعيش دوم مع أم صدر حنون
ونبعد علي الحساد والحزبية ونعيش في بلد مازال مسكون

شكرا