يابدر جيب اخباره

يا بدر ناظرني وناظر ريدي ..

جديد جيب لي منه وشيل جديدي

*****

يا بدر شيل سلامي ..

واحكي له على ظرفي عيون الدامي

وقوله نخمم راقات عزامي ..

ونريد له الجولة غير ماهي فيدي

حتى وين نرسمها ايجن قدامي ..

عدة عوامل بالات وقيدي

المهم لخص له عكاس أيامي ..

وقوله على معاودين عبيدي

******

يابدر وين تشوفه ..

سلم لي عليه وشوف كيف ظروفه

راهي عليه اكبيدتي ملهوفه ..

ومازال في قربه مثيل وريدي

حتى لو تباعدنا جميل الطوفه ..

مازال هو همي وبيت قصيدي

*****

يا بدر تنظر فيه ..

وعندك اطلاله كل يوم عليه

ساولتك برب الكون لا تخفيه ..

حالي عليه بلاه وتمرميدي

ومسامح عزيز انكان مو داريه ..

ولو طايله منا خبر تنكيدي

وانكان يندري والوضع ما يعنيه ..

يا عزتي بالصادقة وغريدي

*******

يا بدر ضيك ضاوي ..

علي وعلي خزرة عيون الناوي

ازعمه كيف ما دمعي عليه سقاوي ..

هو زاد يبكيبي وشايل كيدي

وامرايف علي وفي رجا المهاوي ..

والا انسي مدعاي ومواعيدي

واموثق مع غيري عزيز رساوي ..

ونا يا قمر تما اصفار رصيدي

*******

يا بدر جيب اخباره ..

وشيله اخباري م الرياف وناره

لها زمان ما جتني عليه ابشاره ..

ولا عد جواب القيت فيه بريدي

ازعمه هاني ناسي غلا بقداره ..

وناسي ايام العز وتمعيدي

والا اسمر كيف جار الجاره ..

بكايا عليه الشين و تودويدي

شكرا

عضو جديد نقاط : 21 تاريخ التسجيل : 15/04/2010

شكرا حللو

» الله والنبى ياطير هات اخباره