صوب خليل

نبقوا أثنين نا وياك...لو ماني أموالف بكيتك

عليهم أن كان أخطروا...أبكن بغيظ نين أتروقن

لنظار عالغلاء القديم..... نزحن نزاح ونقول قصرن

سماحة البكاء في ليل...علي عزيز والعين جامه

ولا يوم قلنا هذا...أسكتت فيه عيني ما بكت

أتجيبن بعيد الدنوا ... وأوقات يا قسامي تظلمن

لقسام في خبر واجد...لطن أمعاي واليوم لايمن

يرقد بلوعته وينوض...العقل لو بكاء راه حولت

حتي كي بكيت أبغيظ ...ما راجت اللوعه يا قدم

ماللوعه أنريد قديم ... نشكيله شكاء هو لولي

يا العين حيه عليك ... واليوم ما مشاكي مقابله

ابكانا علي غيرك ... عذار يا غلاء دايرينك

بلوعة قديم شكيت ... وجعت جديد سيه دارها

حتى لو أندير جديد ...نشكيله أبما داروا قدم

أهلبن يا العين عليك ... أيام الغلاء وين ماشيه

تبيعة الغلاء القديم ...ومابت أمعا العين تنقطع

أنسيت يا جديد غلاك ... أمعاه كل حاجه للقدم

العين تدعي بالعزم ... تطري قديم ترمي عالبكاء

التوبه أحذاء مرهون ... حتى أخطور ما خطرتا

ما كانن ألا جسار ... لنظار عالغلاء في ما مضى

التوبه عليك بعيد ... يبرم أحذاك دامين لولي

أحذاها قديم طروه ... أصبرت ما بكت غير غوننت

غير أصداف الناس أيغطن ... ذرفات بدمع أيلطن

مشكوووووووووووور يابروف
*********ملكة ليبيا***********

السلام عليكم
كلمات جد رائعه
مشكورررررررررر واجد
تقبل مرورى بكل ود