لجواد كل ماتمشى ايجيك نباهم

هذه القصيدة للشاعر الكبير جمعه عبد الرحيم بوخبينه تتكلم على الاجواد والقصيده تقول

لجواد كل ماتمشى ايجيك نباهم
الاصول والجيره حرام بعدهم

ولجواد رايهم طاغى على اسفهاهم
ولافى النوايب يبخلو بجدهم

الله لاتغربنى امفيت امعاهم
اسماح السهارى وين ما تجبدهم

على الحلال امفيت مانلقاهم
ما يليق بى مقعد الا مقعدهم

كلا ظنا الانذال ما نجفاهم
ولا يشغلونى وين ما نفقدهم

ولانا رفاقة درب انا وياهم
اسعدهم على راى العرب وبعدهم

على بوى كان شقيت فى مدعاهم
اللى كل شى من بخلهم كايدهم

لو مابقوفى الوطن غير ظناهم
لانقول حبانى ولا نقربهم

لجواد ايتنادو والنداء يشغلهم
اطوال العناء ورثينها من هلهم

وان لامو على بلوم ما نجهلم
عليهم ايخيل القول ونمجدهم
ابكونهم اجواد وربنا جعلهم
ايطول فى القريب والبعيد مددهم

اجوادوالمسامى ينطروا بعملهم
حتى وهم اقبور موثقين لحدهم

لجواد ايتنادوا والنداء يشقوبا
عصارى وفعل العيب ما يرضوبا

ويشيلوا ان صار الشيل شيل اثلوبا
ما عمر مره خيبوا رايدهم

الواحد ايجود عليك بلى دوبا
ويفرح ان جوه ضيوف ما يطردهم

ولا لهم قواعد على الخيا منصوبه
قصير الخطا يرقى مع مصعدهم

وان صار النداء تكبر عليه الجوبا
حتى لو يتبع يعقب اللى عنادهم

فككت بنات القود من لهلوبه
ميحت بكارى كان زام رعدهم

هذه افعالهم والصادقه مطلوبه
وانكانك اتريد اشهود انا شهدهم

لجواد ايتنادوا وين ما تقصدهم

والانذال من بعيد ان جيتهم تنقدهم

حلللللللللللوه
برنس
شكرا

شكرا ليك