جا زارنى":":"

عزقت اغطايا ... بكيت جظيت ناديت قديم تهايا ... ياناس افزعوا

افزعوا ياقوم .... جا زارني حرم علي النوم

جا زارني واسنين لي محروم ...........من شوفتا، في الحلم كان امعايا

جا زارني والحلم مابا ايدوم ...........الدايم الله افـ(حلمتي ) وغلايا

جا زارني وامحوطاتا انجوم ........... قمر دنيتي اللي كان ظي سمايا

جا زارني بعيون يا قيوم ........... اعيون حور ما أسمحهن اعيون امنايا

جا زارني ابرمشا اللي مسموم ........... سبحان كيف السم فيه دوايا

جا زارني اللي شاربا مرسوم ........... رسمة اسطاوي والجمال احكايه

جا زارني اوفيه النفس انسوم ........... انسوم ورد وين يقرب ايكون احذايا

جا زارني اللي فيه صوت حشوم ........... امتى نطق حيد جميع شقايا

جا زارني ونا خاطري مخروم ........... علي ظحكته مع مبسمه اوتظوايا

جا زارني اللي اطيب من الحلقوم ........... اتقول انخلق ينحط في الحلايا

جا زارني بو دور غالي السوم ........... اسود خبر طوله بلا نهايه

جا زارني حي سالفه ملموم ........... مشاطا وحلت ادير ثنايا

جا زارني جسمه غلب لجسوم ........... في وصفته في مشيته وتصبايا

جا زارني ابخصرا اللي مقيوم ........... خصر ريم دار اظراب ع التغدايا

جا زارني جا زارني افـــ(هاليوم) ........... الله ايسامحه دردر اللي بكايا

جا زارني في الحلم مش معزوم ........... شن جيبا يا حلم زول امنايا

يا حلم من جدي عليك انلوم ........... ذكرتها والعين ما نسايا

يا حلم ذقت افراقهم زقوم ........... من ساعته ناصب ابيوت عزايا

نبكي عليهم نا اللي مرحوم ........... مرحوم يندب كيف يا فتايا

نبكي عليهم يا حلم مظلوم ........... من الوقت خرب فرحتي ابغلايا

نبكي عليهم في ادموعي انعوم ........... والعين خايبه يا بل بلا هوايا

نبكي عليهم بكية ِ المحكوم ........... باعدام ساعة قال وين ظنايا

نبكي عرفت افراقهم محتوم ........... امقدر علي مكتوب من البدايه

الا افراقهم يا صاحبي مقسوم ........... ونا هبل عل الاقسام كان اعبايا

تاريتني في غفلتي مبروم ........... والياس يهدم في اجيوش غلايا

افــ(ساعه ) نها جيشي انقلب مهزوم ........... هزيمة اجيوش صدام هالغزايا

بغداد العقل عشش عليها البوم ........... والكاينه اشّمت جميع اعدايا

صدام انعدم ، ونا خاطري معدوم ........... من شيعة عراق الياس سود الرايا

خطرها اللي شفنا ازويله اليوم ........... الغايب اللي في الحلم كان احذايا

اللي خاطري مابا الغيرا ايروم ........... امكمل جميل الوصف والتربايا

حلفت عالغلا ناويه نعلق صوم ........... بعد لولي سكرت باب غلايا

جبت سيرتا وماني اللي ملزوم ........... الا العقل جاب الريم في السهرايا

على ذكرته ما عاد عندي اعزوم ........... اللي شوفته كانت احدود الغايا

الله يسعده واتفارقا لهموم ........... ونا امسامحه في لوعتي وابكايا

ونا امسامحه في لوعتي وابكايا

عزقت اغطايا ... بكيت جظيت ناديت قديم تهايا ... ياناس افزعوا

منقول

يسلللللللللللمو

كلك ذوق شكرا على مرورك المميز