يادار كيف الدوا":":":

يادار كيــــــــف الــــــــــدوًا ... امفيت بوم والا ذيب حسه عوًا

يــــــا دار ويــــن اســـــــيادك ... ويا ما بطاريهم عمــــر ميعادك

وماتقول فوق هجين جا روًادك ... وجايب بشــــاير خيـر بيهن هوًا

ولاتقول حاشن عالبيوت اذواذك ... وهلهن جــوايد صاحبين امــروًا

ولاتقول بوعـــدًا ضرب صيًادك ... ولا جاب مالجازي هميل الصوًا

يـــادار بادوا هـلك كيـف بيادك ... انجـا ذكرهم عقلي اذرذر جــوًا


وبـقـيـتـي خــلا


يا دار وين انجيبــــــــــــــــــه ... سريب منو طاريهم عليه الهيبا

اللي صيتًم وين ما نبي نحكيبه ... يحوس خاطري وترعد سحايب نوًا

نزًالة ديار اطراف بام جنيبه ... اللي فقدهم فالعقل داير هــــــــــوًا

اللي انجيتًم غازي اصحاب دريبه ... ايخشًوا علي سامر النار بقــــوًا

وانكان جيتًم بالطيب ود وطيبه ... تعيش بينهم تاخد اقدار الخـــــوًا


وبـقـيـتـي خــلا


يا دار منـــًك عـــــــــــــــــــــــــــدًوا ... جوايد بعد طاب الرحيل ومــدًوا

اشداد العزايم عالخـطا يتـندًوا ... حتى والدهر صاعب وفيه اقسوًا

عدّوا حيات حيات وين انعدًوا ... كبار فـقـدهـم منه اتقـول امـكوًا


بـقـيـتـي خــلا


يــــا دار ليــــــك كـــــلامـــــي ... ويا دار ننشد عن اجواد مسامي

فراسين كسًـــــر فارعين منامي ... ألهم ذكر فالتاريخ مو من توًا

وهاللي ألهم عنــدا كريها كامــي ... الله يجعله سـوًه ايجي فــي دوًا

هل فارسا كيف الفليت الدامـي ... شرب نين من دم الحبار تــروًا

ولا عمر دنقر فالنهار الحامي ... ولا في جبـير عليه بـي تحـــوًا

يـــادار كيـــف الــــــــــــــدوًا ... امفيت بوم واللا ذيب حسه عوًا


بـقـيـتـي خــلا


يــــــــــــا دار فيهــم مــــــارا ... عليهم اللي ننشد اكرام عصارا

عرب ينزلوا حومة اثليب القارا ... الى واديا باسمه شهير تلوًا

اللــي عزهم في كسبة الخـوًارا ... في وطن مالبدري سحابه دوًا

مهاميل تلقاها تـموج سكـــــارا ... فيه حشوها هو والغلاض اسوًا

انزام الجمل تضرب عليه الطارا ... تقول مير في حضرة جناب سموًا

يادار كيــــــــف الــــــــــدوًا ... امفيت بوم والا ذيب حسه عوًا

بـقـيـتـي خــلا يــا دار
للشاعر الشاب عبدالقادر سلامة الرياحي من مدينة .. ( سوكنة بالجفرة )

روووووووووعه مجدى
يسلللللللللمو