نضحك ولكن خاطرى مليان":":

نضحك أولاكن خاطري مليان ....... ما يعلموه الناس واقع حالــــــــــــي

نفرح أونا في داخلي زعلان ....... وأنراح هم أنقول وين التالــــــــــي

أنحس الوجع وأنقول نا بريان ....... نبكي أوما دمعي أيشوفه والـــــــي

أوننسا مواجع موش للنسيان ...... أوفي ذكرهم ما أنقول غير غوالــــــــــي

وأصحاب كانلهم أحذاي مكان ...... تمن مطارحهم اليوم خوالـــــــــــــي

والصاحب اللي في ضيقتي ما أيبان ..... وقت الوسع ملقاه ما يحلالـــــــي

أوكني أخطيت أنقول نا غلطان ..... والحق بيه أندير ما يبدالــــــــــــــي

أولو بيدنا ترجع أيام زمان ...... أيام مش كيف الزمان الحالـــــــــــي

كان الفسس في افلان والا افلان ....... أوفي وقتنا ماللعيب منهوا خالـــــــي

أولفلوس توة يرفعن فالشان ...... أتحق الهبد بالمال قدرة عالــــــــــــــي

أوكاين ونس الجار فالجيران ..... أونرضا الجاري كيف ما نرضالـــــــــي

والجار توة جار بالسيسان ...... نطلع أوجنب الحوش ناسي بالــــــــــي

ندعيك يا مولاي يا رحمان ....... لذنوب بيهن ما أتقيس أعمالـــــــــــي

منقول

شكرااااااااااا
يا.........

» خاطرى خشيت
» خاطرى خشيت":":
» قالت شى فى خاطرى":"":"::":
» فى خاطرى نجلس على شاطى الليل واكتب حروفى<
» ليس كل من.....ولكن":":":