تعال يامناى تعال

فيه شاعر قال:
وداعا يا مناي وداعا** وداعا خلاص الصوب سيبناه
رخينا احباله** وانتها قصقاله** وقرضنا مالدنيا عروق نماه

رد عليه شاعر الشاعر عبد الباسط اغنية
قال:
تعالي يا مناي تعالي** تعالي اليوم الصوب بديناه
ربطنا احباله ** وابتدا قصقاله** وحيينا وسقينا عروق نماه

ياما حملنا ** ظلمها ونقلنا** الدنيا وكاس امرارها ضقناه
والعين كفت** والماقي جفت** والحزن ماعادش نبي طرواه
وفين اكياله** خاطري بعداله** خوذي من سريب الوقت ما سداه
وناوي انجيبه ** للعقيل سريبه** الي كان في الماضي اسباب زهاه
اول اسبابه** خاطري وعذابه ** فراق الغوالي الي صعيب عناه
والثاني تهايا** بوعيون سهايا** جابا منام الليل في احلامه
والثالث تناسا ** خاطري واحساسه** سية الغالي وماهو فاكرها
والرابع رمينا** ياسنا وماضينا** ورانا وماعادش تخايلناه
والخامس ختمنا** وبالهنا تممنا** ونبدو سريب الصوب بسم الله

وهذا وين يبي يبدا يوصف في البنت
قاله
قيس العشية ** ريت زول ابنية** فريد وصفها ما ريت ليه اشباه
بخطوات تمشي ** ورمشها في رمشي** علقن بلا رادة علي غفلاه
حاولت انتخطا** من خزرها انتغطا** فشلن ايديا ما بن حركاه
لين هي رفعت ** خزرها واندفعت ** قدام يلاي بدت تدنا
ولها دور قابل ** مرتوي متخابل ** متشابك فبعضه اتقول سافانا
وبعد الخبالي ** مايحات طوالي ** عكسها يخطن لامسه الوطا
وفوقه قصة ** كل خط بنصه** تحلف الا تسطير في ورقه
وحمرة الشفة** يا هميل الدفة ** اتقول جرح قاطر ماكنات ادماه
ورقبة بشرها ** رقيق مو ساترها ** اتبان الميه وين تشربها
قدها شبيه** الي السرز عليه** طايب علي الملهاد بالمثنا
ولاهي سمينة** لا رقيقة شينة** ولاهي قصر ولا طول محنيه
وسمحة جواب ** ولا يجد خياب ** ولا وجعت ولا منو وجعها
ومن يوم صارت** ماخطايا دارت** ربي بزينة عقل كملها
واجبتها ردت ** ماعليا صدت** باب الكلام معاي فتحاته
بقوله تفضل ** ما ترد بكل ** بشرط اتجاوب هالاسئلة

وتوا فيه مرسول بين الشاعر والبنت هيا تسأل والشاعر يجاوب بالشعر
قالت الصوب؟؟؟
قلتلها الصوب يكون بالمكتوب ** كل حي ما يمشي انكان بقسمه
يسار سريبه ** يحملو تعذيبه ** ان كان ما صدف قسمه وخاطاها
قالت لولاف؟؟
قلتلها لولاف ديما ** في القلب الهم قيمة ** بلاهم الدنيا ما تسوا طعمه
ان غابو يسيلن ** ادموعنا ويقيلن** وان جونا يجلو الهم والكدرا
قالت النار؟؟؟
قلتلها قوية ** او واكله جوجيه ** منك ولين فاحت روايحها
كل يوم اتقاوا** اتزيد انكان قساوة ** لا تروف ولا ترحم ولا تأوى
قالت السية؟؟؟
قلتلها كلا السية ** خونتك للغيه** والا ايام الصوب تنسيها
كفاها من الله ** عيشتك في الذلة ** اتحسي حياتك كيف قلتها

سمعت الدوة ** وقالت من توا ** موافقه عليك وما انقولش لا
وهكي الحكاية ** انقولها سهراية ** تقعد في تاريخ الغلا ذكرى

رووووووووووووووووووووعه

روعة اخى
تقبل مرورى بكل ود

شكرا

شكرا على مروركم الجميل

» تعال خبر يا سوف الجــين:":":"
» تعال نذوب باحضانك":
» تعال اعرف قرمة الاعضاء
» رسومات تنطق بالحياه تعال شوف::":
» تعال وعالج إحساس ٍ جرحتـــــہ حيـل وأهملتــہ ...‎