قصيدة اعجبتنى":":":"

عيب الدهر مايستر قفا = وعيب الوقت غـلاّب البشـرْ
وعيب الجهد وعرق العيا = يمشو غيم عل روس القور
وعيب النار تطّـايح هبا = تخلّـي رماد ماتخلّـي الجمـــر
وعيب الفم زلاّت اللغا = وعيب الصدر ومايحجب السر
وعيب العمر وسنين الحيا = يمشو لهو في طفرة غرر
وعيب البير من قلّـة الما = وكسر الجابية وطول المجر
وعيب البل من قل الوقا = تهز حمول فوق من الدبر
وقل الزاد من كَلّ الرحا = وكَـلّ المتن من نتل الحجر
وعيب الغسق في ليل اندنا = وعيب الليل في غياب القمر
وعيب الرجل من قصر الخطا = وعيب العين من قصر النظر
وعيب النفس ترضى بالصغا = وتابا العيش مابين الحفر
وعز النفس عشّاقة غلا = حتى ولو هيّا تحتظر
وعز النفس هيّـا عاللّظا = عصية الدمع مامنها قطر
وعز الدمع من جفن اختشا = خاف الله من يوم الحشر
وعز الراس عمره ماانحنا = لغير الله مايركع ايخر
وعز الطلب في مولى الرجا = ويحيي العظم من بعد اندثر
ويحيي الناس من بعد الفنا = ويخلص دين من داين اغبر
وعز الرعد في مزن اللتغا = ايكندر كيف حمّال الكدر
لونه ليل والفوّة سوا = عتمة ليل في عقاب الشهر
بروقه فيه تتخافق ضيا = غرّت وجه في سواد الشعر
وسيله فيه يدّاعك جرا = ويدحس فوق مالعالي طفر
وغم الوطن من بعد الجفا = ينقرض سيلها دايرمكر
وعز الطب من نفسه نها = دون العيب من طايل اقصر
وعز البيت في فجوج الخلا = ناره أمل في ليل السحر
وعز الجود مالموجود جا = بشاشة وجه تكفي ماحضر
وعز الصايبة لاهل الوفا = حمّالين لاثقال السفر
وعز الدرب جيّاب الثنا = وعز الخيل فرسان العصر
وعز النقش فاقلام البرا = تكتب مجد وادّوّن خبر
وعز السيف في يوم الوغا = منين الروس تمشي عالشَفر
وعز العمر في مواقف ذكا = وروح العز في نفوس البشر
وشمعة تحترق لاجل البقا = ولاجل الغير تضوي وتسّتـعـر
وتبني مجد في روس العلا = وتضوي دروب فادغال الوعر
وعز العمر في ملاطم اعدا = بين الدم وسيوف البتر
وفوق ظهور موجات السرا = ديمة المجد في ركوب الخطر
ومنهو اينال من سيف الفلا = مرصّع مجدومتوّج فخر
وعز الموت في ساحة فدا = بين جبهات متبادل الكر
فدا للوطن من ناوي نوا = يذل الدين وايقيمو العبر
وعيب الذل ماطوّل حيا = وعمر الذل مايوم انستر
وعيب الدرب من طول الجبا= وقل الرفق في مهايع البر
وتبكي العين يازيد العطا = وتذرف دمع متهايل ايسر
وتبكي مجد داسوه الاعدا = تبكي العين وتبكّي الحجر
تبكي وطن متبعثر اجزاء = وبعد العز ظاموه انحقر
وفينا ايذبحوا كيف القطا = فينا لين خنجرهم ادمر
في فلسطينّا ندفن احيا = وفي عراقنا الدم انحدر
وين سيوفنا عز القضا = فيهم حكمنا سابق صدر
وينه خيلنا مجد الورا = جنوب وشرق وشمال البحر
اوين ابطالنا يوم الفنا = منينة دمنا داير اغدر
المُـعز ماوصله النبا = وبن زياد ماجاه الخبر
والا خاف يتكرر خطا = حرق السفن ذنبٍ لااغتفر
وبن عبّاد يبدو ماوعا = وبن تشفين متكاسل افتر
والمنصور في وادي نئا = باد الغمد والسيف انقبر
وين جيوشنا هاهي العتا = وجه لوجه مامنها مفر
وين جيوشنا هاهي العتا = تحاصر زيد واتّـدّمّـر عمر
وين جيوشنا هاهي العتا = تكتم صوتنا قالوا جهر
وين جيوشنا هاهي العتا = تبغي النفط واكليل الزهر
وين جيوشنا السيل الزبا = فات الحد وتجاوز الفر
احني فحطين في وجه الطغا = وقلب الاسد في جيوشه نفر
وموعد بينّـا غدوة الضحا = صلاح الدين غيّب ماحضر
وين المعتصم يوم الندا = والا خاف من نجماً ظهر
والا البيض من شرب الدما = فلّـل متنها سوّس ادمر
والا نوم من جفنه غفا = راحت نوم من طول السهر
خايف غرروا بيه العصا = راحت نوم من أجل الغرر
يرقد كيف والأمة اشلاء = فسيفساء من عابد أثر
يرقد كيف وظالّين الهُدى = عرّابين تستمطر غفر
يرقد كيف ومأقي النسا = ملء الجفن رقراق انحدر
يرقد كيف وسويس القنا = منها الغدر لاهلنا عبر
من لعداء نصّبنا حُما = ومن لذياب امنّا الغدر
يرقد كيف ومذابح قنا = وصوت اطفال ديمة يستجر
يرقد كيف وهولاكو طغا = ببيد البشر بدوه والحضر
يرقد كيف واحنا فكربلا = يسفك دمنا دجلة غمر
يرقد كيف والبصرة شوا = ماالعلماء وافطاط الضور
يرقد كيف والماضي انتها = والتاريخ ماسجل نكر
والا مختبي خاف اختبا = من سكار حانات السكر
كل الظن الا هالظن لا = زعيم وبطل يركن للخور
لازم نوم ن طول العنا = وطول النوم من طول السهر
هاهي أهبت بيه الحشا = لستُ ثكلة ماتنجب عصر
ايحرر صبح وايحرر مسا = فيه ايحاصرو لكن اكبر
وخاطب شعبنا شعب الحفا = من تطوان حتى لي قبر
يابركان يكفي من طغا = يكفي النوم انهض ياقدر
هاهو تاق من زمن القصا = وداني الزمن والحاضر المر

وهاهو تاق من دنيا الفنا = برزخ موت والحاد النخر
وهاهو تاق من سحر الجوا = عمت صبح بسيول المطر
وهاهو تاق من كف القضا = بيه الدهر جبار اقتدر
وهاهو تاق من روح العنا = وسر الدهر وخبايا القدر
وهاهو تاق من صلب الرعا = وبين البدو وخيام الشعر
هاهو تاق كـأنّه سنا = ساطع نجم في ليل السمر
هاهو تاق عل روس الملا = كيف المزن متركب اغر
وهاهو تاق من خلف الربا = وخلف الأفق وخيوط الفجر
وراسي جدور في سابع وطا = وشامخ فوق هامات الشجر
هاهو تاق من غيب السما = مشعل نور في ليل اعتمر
هاهو تاق وانفاسه شذا = بلسم روح من بعد الهجر
وهاهو تاق وانفاسه شضا = من سجّيل عل روس الكفر
هاهو تاق من كوم الحصا = ثاير كيف بركان انفجر
وهاهو تاق وسيوفه جلا = ويمسح دمع متهايل ايسر
وهاهو تاق من وسط الردا = لابس درع وذراعه صخر
هاهو تاق من ليل الدجا = ايمينه سمس وشماله قمر
ايزيح الغبن من فوق الوطا = ويبني صرح من طول الضجر
سليل النسب من قمة حرا = وقلب الوادي واشعاب الوعر
عزيز الخال قحطاني اللواء = هجرة حمير غي قديم العصر
يعربي اندلسي المسا = طفرة صبح من مكة ظهر
افريقي الدار وافريقي الإحاء = مارد عصر عملاق انتصر
وكيف سهيل في نجوم الفضا = شهير الدرب في دنيا المجر

منقوله

اللى يعجبك يعجبنا وانت دواءللروح بيه طربنا
شكرا ليك ياغالى

» قصة اعجبتنى":":":":"
» ابيات اعجبتنى
» رد على قصيدة يشيب هذبها":":":
» قصيدة حلوة
» قصيدة اروع من الرائع ":":":"