[center]
شى بن شى لا قى الصيادة قال لهم ..انشاء الله ما تحصلوا شئ..
عطوه طريحة , قاللهم أمالا ياأسيادى شنو انقول ,قالوا له قول:
ستةوسبعة فى النهار شوى..مشى منهم,فات على وحدين ناقلين ميت
قال لهم ..انشاء الله ستة وسبعة فى النهار اشوى ..عطوه طريحة
,قال لهم يا اسيادي امالا شنو انقول,قالوا له قول: عضم الله اجر الميت
اللى عندكم.. لاقى وحدين دايرين عرس وناقليت عروس فى باصور قال لهم
.. الله يعظم أجر الميت اللى عندكم .. عطوه طريحة, قال لهم يا اسيادى
امالا شتو انقول ,قالوا له قول: مبروكة سعيدة على أماليها ..فات على واحدين
عندهم كلبة واكله جوف ولدهم قال لهم مبروكة سعيدة على اماليها..عطوه طريحة
,قال لهم- يا اسيادى اماله شنو انقول ,قالوا له قول: تنبحوتلالى فى الديار الخوالى
..لقى واحد شارى بقرة وفرحان بيها وخاش بيها على اعويلته ويصبو لها فى الحليب
على وجهها..قاله انشاء الله تنبح وتلالى فى اليار الخوالى ..عطاه طريحة,قال له ياسيدى
اماله شنو انقول,قالهقول: زبادة لبادة على شواربه وشوارب اولاده .. خطم على واحدين
يطلعوا في بيت راحة.قال لهم زبادة لبادةعاى شواربة وشوارب اولادة .. عطوه طريحة قال
لهم امالا يا اسيادى شنو انقول,قالو له قول ييبس ويشيح وتقلة الريح..لقى وحدين فرحانين
يغرسوا فى اجنان كيف باديين فيه..قال لهم انشاء الله ييبس ويشيح واتقلة الريح ..
عطوه طريحة,قال لهم يا اسيادى امالا شنو انقول ,قالوا له قول يكبر ويقصل ويبدى كيف العنصل
..خطم على ولد السلطانضارباته شوكة ..قاله تكبر وتقصل وتبدى كيف العنصل..عطوه طريحة و
جوه بيقتلوه,جاء للحراث اللى يحرث ..قال له راهم جوك ياحراث..الحراث هرب وهو شد الجمل
قعد يحرث,وهما مشوا فى جرت الحراث قتلوه,وهوسلم الجمل لولد القاضى وقال له بره ليسيدك و
قوله حراثنا قتلوه خدم ولد السلطان..جاء القاضى قالت له مرته,أنت كيف حراثك يقتلوه وتقول انا والسلطان سوا سوا ..والله لاكان ما قتلتش اللى قتل حراثك ماعاد قاعدتلك..دار سيدنا القاضى لبس عمامته وركب احمارته
وجاء طوالى لخدم ولد السلطان ..قال وين اللى قتل حراثنا ..قالوا له هاهو ,ناض قتلة..السلطان قالتله السلطانة أنت ويش بعد القاضى حاكم فيك ..مشى السلطان قتل القاضى
وركبت فى بغضها وجيت منهم و خليتهم وبودنى سمعتهم وبعينى ما ريتهم !.
السبت 1 ديسمبر 2012 - 21:56 من طرف 
