جانى خبر عاجل

عـاجـل خـبـر جـانـي



عــاجـــل جــــــداً
قالوا أنظاري عالقـدم بيـردّن
يا لندرا ليـش الجديـد تحـدّن
ويا لنـدرا ويـن القديـم لقـن
أنذاع الخبر قالوا خطاهن مـدّن
وجنّه بلوعة ومن الفراق بكـن
وجابن سهاري ماضيات وعدّن
فيه الخطا بظلم الزمـان شكـن
وساعة وداعه كي اصباعه شدّن
وهوه يتباعد بالخطـى عنهـن
وكي قالهـا والله لا مـا يـودّن
غيرك وحتـى بالجديـد زهـن
وجابن مخاطيره اوهـام ايكـدّن
حضرت جنابه اللي اليوم ارهن
مع غيرنا شالـن اقسامـه ودّن
زول العزيز ونا غـلاي ادفـن
مصدر خبر مجهول قال انهـدّن
ولا عزم ناهيهن عليـه انظـن
كذبت نا الموضوع قلت انسـدّن
دروب القديم وما عليـه جـرن
وخليت الدار وفي الحقيقه شدّن
هو موش لنّا وعالجديـد خـذن
وين ما أخيوط الصبح لي تبدّن
تاري الخبر حلمـه البـارح رن
تعوذت من الشيطان وقلت ايقدّن
اوهام من بقولي من زمان نسن
لكن تمنيت الاعضـاء يمتـدّن
عليه الفراش بنـوم نجبرهـن
بالك خبر ثانـي يقـول تهـدّن
هن والعزيـز وقسـم جامعهـن